Rumpetroll lysblå – hengande

Ein nydeleg skapning fra Vigdis Wicklund sitt leikne universNår dette vesle rompetrollet går gjennom metamorfosen blir den ein stor og dødeleg panserfrosk. Dei bakarste pulsårene blir utvikla til lungepulsårer så han blir halvakvatisk, og
tarmsystemet modenes slik at han også kan fordøya
landslevande byttedyr. Samtidig utviklar den lange spenstige bakbein. Dei sylskarpe tennene er i stadig utskifting og fungerer både som ein effektiv reiskap til å fanga byttedyr, og dessutan som forsvar mot rovdyr. I tillegg er dette rompetrollet verna med eit skjellag med keratin på kvar side av buken. Keratinet i seg sjølv er fargelaust, det er pigment i hudlaget som avgjer fargen. Den varierer frå individ til individ og kan endrast gjennom livsløpet. Til så lenge nyt dette vesle rompetrollet kvar dag av tilværet og propellerer rundt med den korte halen, gapande etter krepselarvar og andre småkryp. Fleire opplever dette som ein harmonisk og kjælen liten skapning som gjerne kan haldast som husdyr – berre ein passar seg litt for tennene!