Tone Bjerknes Gulbrandsen

TONE BJERKNES GULBRANDSEN (f. 1973) har verkstad heime på Grefsen i Oslo. Her lagar ho brukarvennlege kvardagsting av porselen som får blank glasur med dekalar og farga glasurar. Porselenet er sterkt, og tinga tåler difor godt å være tynne og lette. Innan ein ting er ferdig, er den brend to eller tre gonger. Først ein råbrann til 950, så ein glasurbrann til 1240 og til slutt ein dekalbrann til 820 gradar.

Ting som er dreia må stå til tørk eit par dagar før dei kan dreiast av og få hankar. Deretter må dei tørke ei til to veker før første brenning. Etter ein råbrann blir tinga glaserte og må tørka eit døgn innan dei kan brennast igjen. Dekalane blir påførte etter glasurbrannen. Dekalane er overføringsbilde som er laga spesielt for hennar formål. Det er berre ho som bruker desse. Bilda er gamle glansbilde, frimerke, utklipp fra bøker m.m. Alle tinga er dreia. Alt som er glasert toler oppvaskmaskin.