Maria Øverbye
Oslo
MARIA ØVERBYE (f.1969) er ein norsk keramikar og biletkunstnar frå Oslo.
Ho har studert maleri og teikning ved Nydalen kunstskule og teke
keramikk-kurs hjå Anne Britt Soma Reienes. Ho bur på Kjelsås, Oslo, i
ein gamal skule frå 1880 med verkstad i hagen.
Det kunstnarlege uttrykket til Maria Øverbye er sterkt knytt til
menneske. Både skulpturane og bilda hennar ber i seg ei taktil og rå
nerve som til tider gjev betraktarane svært ulike opplevingar. Sjølv
seier ho: „Livet som omgir meg i hverdagen setter spor i kunsten.
Menneskesinnet, mellommenneskelige relasjoner. Det sterke og det sårbare
i en og samme skulptur.“
