Alexander Stub

ALEXANDER STUB (f.1978) er ein norsk bildekunstnar frå Bergen.
Han hadde si første separatutstilling så tidleg som 1994. Etter utdanning på Kunstskolen i Bergen hospiterte han to år på ein grafisk verkstad. Frå 2004 har han arbeidd som kunstnar/grafikar på helitid.
Stub har jevnlig halde separatutstillingar og er innkjøpt av – og har utsmykka – ei rekkje store firma.
Han har blitt ein meister innan linoleumssnitt. Ein gammal teknikk som er nær i slekt med tresnitt.
Stub arbeider med små skisser som blir overført til linoleumsplater. Streken blir skore bort med små v-jern. Kvart bilde består av tre-fire plater, gjerne med fleire fargar på kvar plate. Fargane blir rulla på med små valser på dei områda som står att etter utskjæringa. Platene blir enten trykka vått i vått, elles let han det tørka etter kvar plate. Bilda hans er kjenneteikna av sterke fargar med abstraherte fjell og landskapsmotiv, somme tider med enkle konturar av menneske.